Rækjuveiðar í Ísafjarðardjúpi geta hafist á morgun
Ætla að stofna samtök áhugafólks um "hreindýr á Vestfirði"
Laugardaginn 3. desember verða stofnuð samtök áhugafólks um "Hreindýr á Vestfirði". Tilgangur samtakanna er að beita sér fyrir því að gerðar verði rannsóknir á heilbrigði hreindýranna, það er að segja hvort hætta sé á að þau geti smitað sauðfé af búfjársjúkdómum. Einnig að gerð verði rannsókn á gróðurfari á Vestfjörðum í þeim tilgangi að athuga hvort nægjanlegt æti sé fyrir dýrin....
Helga Guðrún endurkjörin formaður UMFÍ - HSV fékk hvatningarverðlaunin
Helga Guðrún Guðjónsdóttir var á þingi UMFÍ, sem haldið var í menningarhúsinu Hofi á Akureyri um helgina, einróma endurkjörin formaður Ungmennafélags Íslands til næstu tveggja ára. Helga hefur gegnt formennsku í UMFÍ síðan 2007, en hún var þá fyrsta konan sem kjörin var formaður samtakanna. Hún sagðist hlakka til næstu tveggja ára en það eru margar tillögur sem eru samþykktar á þinginu sem marka starfið næstu tvö árin....
Flugslysaæfing á flugvellinum á Gjögri - myndir
Um síðustu helgi var haldin flugslysaæfing á flugvellinum á Gjögri þar sem æfð voru viðbrögð við flugslysi við flugvöllinn. Þegar slíkar æfingar eru haldnar er verið að láta reyna á samvinnu allra viðbragðseininga á svæðinu. Æfingin heppnaðist vel í alla staði. Aðstæður á Gjögri eru þannig að þar eru ekki til staðar nema hluti hinna hefðbundnu viðbragðsaðila eins og lögregla, slökkvilið, björgunarsveitir, Rauði krossinn og heilbrigðisstarfsmenn. Verði stóráfall á Gjögri er gert ráð fyrir að aðstoð berist frá nærliggjandi svæðum, en þangað til sú aðstoð berst reynir á heimamenn....
Bygg og hveiti ræktað á Rauðasandi
Bændur á Lambavatni á Rauðasandi, utarlega við norðanverðan Breiðafjörð, vinna þessa dagana að kornslætti og þreskingu og flutningi í geymslur fyrir veturinn. Um er að ræða bæði sex raða og tveggja raða bygg sem notað verður sem kúafóður. Eyjólfur Tryggvason frá Lambavatni segir að sýru verði að blanda saman við kornið áður en það er sekkjað....
Eina nýja íbúðarhúsið sem byggt er á suðursvæði Vestfjarða á þessu ári
Í Kirkjuhvammi á Rauðasandi er verið að byggja íbúðarhús, ætlað fyrir starfsfólk Franska kaffihússins á staðnum. Þetta mun vera eina nýja íbúðarhúsið sem byggt er á suðursvæði Vestfjarða á þessu ári en verið er að gera upp nokkur gömul og merkileg hús. Að sögn Einars Jónssonar, staðarhaldara í Kirkjuhvammi, er húsið í eigu Skipholts ehf. Félagið hefur þegar gert upp gamla íbúðarhúsið í Kirkjuhvammi, sem breytt var í kaffihús, auk íbúðarhúss og útihúsa í Saurbæ á Rauðasandi...
50 metra hár borgarísjaki 25 sjómílur norðvestur af Kögri
Borgarísjaki sást 25 sjómílur norðvestur af Kögri í vikunni. Landhelgisgæslunni barst tilkynning um borgarískjakann frá fiskiskipi sem var statt um 16.3 sjómílur norðvestur af Straumnesi. Var ískjakinn um 2-3 sjómílur norðan við skipið og virtist hann vera mjög stór. Þar sem skipið var ekki með radar var ekki hægt að mæla lengdina á honum....
Kjartanshús á Flateyri "tilbúið undir hausverk."
Fyrsta skemmtiferðaskipið sem kemur til Bíldudals
Staðinn að verki við veggjakrot á Ísafirði
Eykt átti lægsta tilboðið í byggingu brúar yfir Staðará
Klæða bryggjuhausinn á Hólmavík með stálþili sem notað var við byggingu Hörpu
Hamingjuhlaupið 2012; hlaupið 53 km frá Trékyllisvík til Hólmavíkur
Ísafjörður
6 m/s
fimmtudagur
6 m/s
föstudagur
2 m/s
laugardagur
2 m/s
sunnudagur
5 m/s
mánudagur
2 m/s
Uppljóstrarinn
Varðhundur fjármálaráðherra verðlaunaður
Uppljóstrarinn hefur fylgst af áhuga með risi
Björns Vals Gíslasonar innan þingflokks Vinstri grænna að
undanförnu. Björn Valur hefur sem kunnugt er verið dyggasti
stuðningsmaður Steingríms J. Sigfússonar á öllum vígstöðvum, hvort
sem er innan flokks eða utan. Hefur sú foringjahollusta gengið svo
langt að heimildarmenn uppljóstrarans eru orðnir sannfærðir um að
blogg Björns
Vals sé skipulega notað til að koma á framfæri óþægilegum
árásum á andstæðinga fjármálaráðherra sem hann vill ekki sjálfur
gangast við, en þar fara nú hæst árásir á "íhaldið" sem Björn Valur
skilgreinir sem Forseta Íslands og Biskups Íslands og að því er
virðist alla aðra sem ekki eru flokksbundnir í
ríkisstjórnarflokkunum.
Heimildarmenn uppljóstrarans benda á að þótt Björn Valur hafi komið inn á Alþingi í kosningum 2009 sem fulltrúi nýrra tíma á Íslandi þá nái samstarf hans við Steingrím J. Sigfússon mun lengra aftur í tímann. Á vef Alþingis má t.d. sjá að Björn Valur sat á Alþingi sem varaþingmaður Alþýðubandalagsins árið 1990. Það sem ekki er tekið fram þar er að Björn Valur var þá (sem og árin 2007 og 2008) varamaður Steingríms J. Sigfússonar.
Björn Valur, eða "varðhundur fjármálaráðherra" eins og heimildarmenn skopast með að hann sé nefndur í gríni og alvöru, hefur því verið vinstri kantmaður í íslenskum stjórnmálum í rúm tuttugu ár og allan þann tíma verið í samstarfi við Steingrím J. Sigfússon. Uppljóstraranum getur ekki annað en glaðst yfir því að Birni Val hafi loksins verið launuð húsbóndahollustan með embætti þingflokksformanns. Heimildarmenn telja að Þuríður Backman (sem tók eftirminnilega við embættinu í fréttaviðtali á flugvelli úti í löndum með orðunum "HA?") hafi aldrei verið fyrsti kostur forystu VG. Þuríður hafi aðeins lent í starfinu óvart þegar Guðfríður Lilja Grétarsdóttir neitaði að láta hafa sig að fífli eftir að forysta VG setti hana af eftir fæðingarorlof eins og frægt er orðið.
Heimildarmenn uppljóstrarans telja að með kosningu Björns Vals í embætti þingflokksformanns hafi Steingrímur J. Sigfússon slegið tvær flugur í einu höggi, treyst til muna tak sitt á ódælum þingmönnum innan flokks og gefið árásum varðhundarins á "íhaldið" stóraukið vægi út á við. Hvort tveggja komi sér vel í þeirri baráttu sem framundan er um líf ríkisstjórnarinnar á komandi vetri.
Kvestor
Hefur íslenskum hagfræðingum farið aftur?
Kvestor hnaut um áhugaverða bók í Bóksölu Stúdenta. Hún heitir Starfróf viðskiptafræðinnar eftir Jón Ólafsson, ritstjóra gefin út 1909 og er nú endurútgefin. Bókin er fyrsta bók á Íslandi um viðskiptafræði og í bókinni kemur orðið viðskiptafræði fyrst fyrir á prenti. Jón bjó til orðið. En það er annað merkilegra sem kemur fram í þessari bók.Í 10 gr. við lok bókarinnar skrifar Jón:
"Peninga-kreppa og stjórnarbyltingar hafa þau áhrif, eins og öllu skipulagi voru er nú óeðlilega hagað, að gengin verða hagstæð landinu - svo framarlega, sem óinnleysanlegir peningaseðlar varna því ekki, að sú verði afleiðingin. Slíkum viðskifta-landskjálftum fylgir ávalt stórkostlegt lánstrausts-hrun; en lánstraustið hafði, meðan þess naut við, unnið alt ið sama gagn sem peningar. Þegar nú lánstrausts-hrófið hrynur þá vex eftirspurn eftir peningum. Peningarnir stíga því ákaflega í verði bæði gagnvart varningi og skuldum... Ef þessum ófagnaði veldur það, að ríkið hefir óinnleysanlega peningaseðla, eða að það hefir rýrt sláttu sína, þá er ekki nema einn vegur til úrbóta, og hann er sá, að koma peningalöggjöfinni þegar í stað í rétt horf aftur."
Kvestor spyr, hvort íslenskum hagfræðingum hefur farið aftur á síðastliðnum 100 árum?
Aðsendar greinar
Hvað kostar aðlögunarferlið að ESB?
Þann
16. júlí 2009 samþykkti naumur meirihluti alþingismanna að leggja
inn aðildarumsókn Íslands að Evrópusambandinu. Seinna upplýstist að
þingmenn Vinstri grænna hefðu verið knúnir til samþykktar
tillögunnar með hótunum. Því er ljóst að ekki var meirihluti fyrir
umsókninni í þingsölum - hvorki þá né nú. Ekki er heldur meirihluti
hjá landsmönnum að ganga þessa leið - hvorki þá né nú. Hví er þá
verið halda umsókninni að ESB til streitu?
Í nefndaráliti með tillögunni kemur fram að með umsóknarferlinu yrði tryggt að Alþingi yrði hluti af því heildarferli stjórnsýslu sem mál ættu að fara í gegnum áður en þau yrðu endanlega afgreidd og þannig átti að tryggja að stjórnsýslan miðlaði upplýsingum til þingsins um málefni er tengdust viðræðunum svo að þingið geti gegnt eftirlitshlutverki sínu í ferlinu. Á þessu er mikill misbrestur því þrátt fyrir ítrekaðar fyrirspurnir, utandagskrárumræður og beiðnir um fundi í utanríkisnefnd fá þingmenn afar takmarkaðar upplýsingar um aðlögunarferlið. Sér þess sér helst stað í frumvörpum ríkisstjórnarinnar við innleiðingar gerða og tilskipana ESB.
Sá háttur er samt hafður á að hvergi er tiltekið í frumvörpunum sjálfum að um skilyrði ESB sé að ræða vegna umsóknarinnar. Blekkingarleik er beitt í skjóli EES samningsins. Nefni ég hér örfá frumvörp sem orðið hafa að lögum á síðasta þingi sem skilyrt var að lögleiða og hefur mikinn kostnaðarauka í för með sér. Ákvæði um Þróunarsjóð EFTA lögleitt í EES samninginn - kostar ríkissjóð í nýjum útgjöldum 5,3 milljarða. Lög um losunarheimildir - stofnkostnaður 20 milljónir og ný útgjöld 45 milljónir á ári. Lög um grunngerð landupplýsinga - 30 milljónir á ári. Fjölmiðlalög - rekstur fjölmiðlanefndar 33 milljónir á ári. Lög um stjórn vatnamála - ný útgjöld 130 milljónir á ári.
Utanríkisráðherra hefur látið hafa eftir sér að eins sé líklegt að kostnaður upp á 4 milljarða lendi á ríkinu vegna innleiðingar nýs tollakerfis í landbúnaði. Mörg sambærileg frumvörp liggja inn í þinginu sem bíða afgreiðslu. Hliðaráhrif umsóknarferlisins hafa því gríðarleg áhrif á ríkissjóð. Það skal og á það minnst að atvinnusköpunartækifæri ríkisstjórnarinnar liggur í lögleiðingu þessara frumvarpa því oftar en ekki þarf að bæta við starfsmönnum í undirstofnunum til "eftirlits" . Kratavæðingin er því algjör og opinberi geirinn þenst út.
Þá að beinum kostnaði við umsóknina. Í umræddri greinargerð er talið að kostnaður sem falli undir utanríkisráðuneytið á árabilinu 2010 - 2012 verði um 800 milljónir og lunginn af þeim kostnaði felst í þýðingum reglna ESB yfir á íslensku. Það er hreint galið að skattgreiðendur beri kostnað af þýðingum alls lagabálks ESB áður en vitað er hvort gengið verður inn eður ei. Ekki er gefin upp kostnaður annarra ráðuneyta - en ljóst er að stjórnsýslan liggur á hliðinni vegna umsóknarinnar - sem er e.t.v. skýringin á hví slík kyrrstaða ríki hér á landi.
Fljótt á litið má áætla að beinn kostnaður við umsóknarferlið verði á bilinu 1,5 - 2 milljarðar. Þær upplýsingar er ekki hægt að fá frá stjórnarráðinu og heykist hver ráðherrann á fætur öðrum að veita þinginu og almenningi upplýsingar um þennan kostnað. Samandregið er um að ræða gríðarlegan dulinn kostnað fyrir ríkissjóð.
Í minnisblaði frá utanríkisráðuneytinu á fylgiskjali IV í þingsályktunartillögunni kemur fram að kostnaður aðildarviðræðnanna sé háður óvissu sér í lagi í ljósi þess hversu hratt viðræðurnar ganga. Kostnaðarmatið er byggt á 18 mánaða ferli sem átti að ljúka um mitt ár 2011. Nú er sá tími liðinn og langt í land með að samningar takist. Rökrétt er því að tvöfalda beinan kostnað af ferlinu. Ef umsóknin verður ekki dregin til baka er ljóst að kostnaðurinn við umsóknina mun hlaupa á tugum milljarða.
Á meðan Össur Skarphéðinsson situr einn á brennandi tröppunum í Brussel með umsóknina er vegið að grunnþáttum íslensks samfélags með niðurskurði og skattpíningu.
